Starti i keq i Barcelonës në La Liga vazhdon. Katalanasit kanë barazuar 2-2 ndaj Osasunës në mungesën e Messit dhe Suarez.
Barça ka vetëm katër pikë nga tri ndeshjet e para pas një fitore, një barazimi dhe një humbjeje.
Osasuna ka befasuar të gjithë teksa kaloi e para në avantazh në minutën e 7’ të takimit. Barcelona zhvilloi një ndeshje të dobët dhe vetëm pas pushimit reagon.
Ishte Ansu Fati që ka barazuar rezultatin në minutën e 51’ të takimit me një goditje të bukur me kokë. 16-vjeçari është shënuesi më i ri i historisë së Barcelonës.
Braziliani Arthur ka shënuar golin e avantazhit në minutën e 64’ dhe u duk sikur katalanasit do të dilnin me një fitore nga Estadio El Sadar.
Por një gabim i Pique i ka mundësuar vendasve të barazonin nga pika e bardhë e penalltisë me Torres.
