Vedat Muriqi është titullar sonte për Fenerbahcen në takimin kundër Alanyasporit.
Fenerin e pret përballje e vështirë në udhëtim te Alanyaspori, që momentalisht është lider në Superligën turke.
Pas tri xhirove të para Alanyaspori ka tri fitore dhe kryeson me 9 pikë.
Fenerbahce është në pozitën e tretë me dy pikë më pak, me dy fitore dhe një barazim.
Sulmuesi i Kombëtares së Kosovës, Vedat Muriqi ka dy gola deri tani në tri paraqitje me gjigantin turk, derisa shkëlqeu edhe në paraqitjen e fundit me Kosovën ndaj Anglisë – ku shënoi një gol dhe bëri dy asistime.
Takimi i sotëm luhet me fillim nga ora 19:00. Më poshtë keni formacionet zyrtare:
