Tashmë është zyrtare, Claudio Ranieri pason Eusebio Di Francescon në stolin e Sampdorias.
Lajmi i dha nga vetë klubi gjenovez në faqen e tij në internet:
“Presidenti Massimo Ferrero e klubi i Sampdorias i urojnë mirëseardhjen Claudi Ranierit, i cili është i lidhur me shoqërinë në cilësinë e trajnerit të skuadrës së parë deri më 30 qershor 2021.
Presidenti u uron trajnerit punë të mbarë, bazuar në impenjim dhe pasion,” shkruhet në komunikatën e Sampdorias.
Fati e do që debutimin 67-vjeçari ta bëjë kundër Romës, ish-skuadrës së tij, më “Luiggi Ferraris”, më 20 tetor.