Dy ditë pasi vendosi ndeshjen Milan-SPAL 1-0, flet Suso. Futbollisti spanjoll, i shkundur nga momenti i errët personal, që kulmoi me kritikat e tifozëve kuqezinj, shpreh mendimet e tij përmes Instagramit dhe i dërgon mesazhe dashurie “Djallit”: "Një gol nuk e ndryshon historinë. Ai nuk e justifikon momentin negativ. As vërshëllimat e tifozëve.
Ato i meritojmë, edhe kritikat.
Një gol na bën të marrim frymë dhe të kuptojmë se rruga është e duhura, por është e gjatë. Unë e mbështes fort Milanin.
Nuk ka rëndësi kush luan, ose kush e shënon golin. Varet nga ne, të gjithë, ta vendosim të ardhmen tonë, tani. Kemi 2 ndeshje para pushimit (eliminatoreve të kombëtareve). Më besoni, sepse gjithçka është akoma e mundur. Gjithmonë, gjithmonë, forca Milan"!
Suso, kundër SPAL, fillimisht u ul në stol nga Pioli, por më pas mori përsipër vendin e Castillejo dhe shënoi golin e vetëm të sfidës. Kësisoji, riktheu buzëqeshjen te kuqezinjtë me një goditje dënimi mjeshtërore.