Sulmuesi i Përfaqësueses së Kosovës Vedat Muriqi ka pësuar një lëndim në sfidën e mbrëmshme që Fenerbahçe e zhvilloi ndaj Kasimpasas.
Muriqi shënoi dy gola në fitoren 3:2 ndaj Kasimpasa, dhe të dy nga pika e bardhë.
Megjithatë, sulmuesi prizrenas pësoi një lëndim në këmbë kurse pas ndeshjes foli rreth këtij lëndimi duke thënë:
“Kam dhimbje dhe më duhen disa ditë për të pushuar”, ka thënë shkurt Muriqi, duke mos dhënë detaje nëse do të mungojë në ndeshjen e radhës apo jo.
Megjithatë, siç bën të ditur 'Kosovan Footy', Muriqi është i gatshëm për dy ndeshjet e radhës të Kosovës - ndaj Republikës së Çekisë dhe Anglisë.
Vedat Muriqi arriti t’i shënojë dy gola në këtë ndeshje duke arritur në kuotën e shtatë golave në 11 ndeshje në Superligën turke.
