Gazeta zvicerane me artikull të jashtëzakonshëm për Kosovën
Gazeta e njohur zvicerane ‘Neue Zürcher Zeitung’, i ka kushtuar artikull të veçantë ekipit të Kosovës në futboll.
Me titullin ‘Kosovarët dikur laheshin në lumë, tani mund të kualifikohen në kampionatin evropian’, zviceranët përshkruajnë gjithë etapën e futbollit të Kosovës nga koha e okupimit nga Serbia e deri te lulëzimi i tanishëm.
Shteti më i ri në Evropë, është në prag të suksesit më të madh në histori të futbollit.
Sekretari i Federatës së Futbollit të Kosovës, Eroll Salihu ka qenë personazhi kryesor i artikullit të gazetës zvicerane.
Ai ka folur për mënyrën se si kosovarët asnjëherë nuk hoqën dorë nga futbolli, edhe atëherë kur Policia e Serbisë kishte arrestuar lojtarët në fushë.