Robert Gjeraj është prej lojtarëve më të mirë në vendin tonë, i cili luan me sukses në klubin me renome Besa nga Peja, por e ka përcjell edhe një fat i keq, duke pësuar lëndim gjatë këtyre ditëve.
Gjeraj beson e shpreson se ky lëndim do të tejkalohet shumë shpejt dhe do t’i kthehet ekipit që ta ndihmojë për realizimin e synimeve.
Gjeraj është i lumtur që Besa përfundoi në vend të parë me 28 pikë në stinorin vjeshtor të Ligës së Parë të Kosovës në futboll dhe kjo i jep edhe më shumë forcë në pjesën pranverore të kampionatit.
Mbrojtës-mesfushori mendon se edhe lufta për dy vendet e para do të jetë e ashpër deri në fund, por Besën e sheh si favoritin kryesor që të rikthehet në shoqërinë e më të mirëve aty ku e ka edhe vendin.
“Bota sot”: Jeni lënduar, sa do të mungoni?
Robert Gjeraj: Besoj që në janar do të jam gati në 100%. E kam lënduar ligamentin e gjurit në ndeshje me Vëllaznimin por deri me tash çdo gjë është në rregull dhe në janar jam gati. E imja është të punojë sa më shumë dhe të arrijmë objektivat.
“Bota sot”: Si e ke pa garën në përgjithësi në ligën e parë, a ka pasur cilësi?
Robert Gjeraj: Unë besoj se është një kampionat shumë interesant sivjet dhe më interesanti në vitet e fundit, ku tregon edhe tabela edhe diferenca është shumë e vogël me pikë mes skuadrave.
“Bota sot”: A ka mundur Besa që të arrijë më shumë pikë?
Robert Gjeraj: Besa ka mundur minimum edhe 7 pikë më shumë por mungesat dhe lëndimet na kushtuan shumë, megjithatë tash nuk jemi keq. Jemi në krye të renditjes.
“Bota sot”: Çka e veçojë më shumë këtë edicion, çfarë pa që iu la përshtypje?
Robert Gjeraj: Më shumë më ka befasuar organizimi i krejt klubeve të ligës së parë, ndoshta edhe më i mirë se i Superligës, kjo është një e mirë. Po ashtu edhe kualiteti në përgjithësi ka rritje, e cila më ka lënë përshtypje më së shumti.
“Bota sot”: Po infrastruktura?
Robert Gjeraj: Fushat janë perfekt, përveç dy-tri fushave tjera që janë shumë perfektë.
“Bota sot”: Cilat skuadra i sheh në garë për dy vendet e para apo është një kampionat më shumë befasi?
Robert Gjeraj: Unë i shoh Besën edhe Lirinë mirë, Malisheva është ekip për çdo lakmi, edhe ata edhe Istogun i shoh kandidatë për Superligë.
Liga e Parë
Vllaznia-Besa 1:2
Arbëria-Drenasi 1:1
Vëllaznimi-Onix 1:0
Dardana-Ramiz Sadiku 2:2
Liria-Trepça 2:2
KEK-u-Malisheva 1:1
Istogu-Ulpiana 2:2
E hënë
Vitia-2 Korriku
Tabela
1. Besa 16 9 4 3 28
2. Arbëria 16 7 6 3 27
3. Liria 16 7 5 4 26
4. Malisheva 16 8 2 6 26
5. Istogu 16 7 5 4 26
6. Onix 16 6 5 5 23
7. Drenasi 16 6 5 5 23
8. Dardana 16 6 5 5 23
9. 2 Korriku 15 7 1 7 22
10. KEK-u 16 5 6 5 21
11. Trepça 16 5 4 7 19
12. Ulpiana 16 4 6 6 18
13. Vëllaznimi 16 3 7 6 16
14. Vllaznia 16 5 1 10 16
15. Ramiz Sadiku 16 4 3 9 15
16. Vitia 15 3 5 7 14