Ishte prilli i vitit 2010 dhe Barcelona sapo kishte eliminuar Arsenalin pasi në ndeshjen e kthimit në "Camp Nou", Lionel Messi do të shënonte plot 4 gola ndaj "topçinjve" dhe do të ishte protagonisti absolut përpara 95 mijë tifozëve.
Mes atyre tifozëve që kishin mbushur stadiumin ishte edhe Roberto Baggio, i kthyer nga gjuetia në Argjentinë ("Bishtaleci Hyjnor" ishtë tërhequr). Në dhomat e zhveshjes, pas ndeshjes, legjenda italiane do të ritakonte Pep Guardiolan, pasi kishin luajtur bashkë te Brescia dikur në Serie A.
Në bisedën mes tyre, Baggio do të shprehej vërtet i mahnitur nga Messi, teksa i drejtohet Guardiolas në italisht duke i thënë "ky është fenomen! Më ka mrekulluar. i jashtëzakonshëm. Do të dal jashtë tani të shoh ku e ka anijen kozmike që ta marrin prap me vete...".
Messi u afrua dhe u takua për të parën herë me Baggion, teksa mes batutave dhe bisedës, më pas do të largohej.
