Gareth Bejl dhe Xhejms Rodrigez nuk po kalojnë aspak një moment të mirë te Real Madridi dhe mund të largohen.
Trajneri Zidan nuk i ka dhënë shumë besim dy futbollistëve, të cilët nuk po arrijnë të gjejnë dot minuta. Nga kjo situatë kërkon të përfitojë trajneri i Evertonit, Karlo Ançeloti.
Ky i fundit ka shfaqur interes për dy futbollistët dhe dëshiron t’i marrë te skuadra që ai drejton.
Për mesfushorin kolumbian, tekniku italian shfaqi interes edhe në verë, kur e kërkoi atë me ngulm te Napoli, por marrëveshja nuk u arrit.
