Duket se Xherdan Shaqiri i ka ditët e numërura tek Liverpooli.
Futbollisti me prejardhje nga Zhegra e Gjilanit pritet të largohet nga gjiganti anglez me të filluar afati kalimtar veror.
E, për shërbimet e e lojtarit nga Kosova përveç disa klubeve nga Italia e Gjermania, së fundmi interesim ka shprehur edhe një klub spanjoll.
Sipas Liverpool Offside, Sevilla është skuadra e cila po e kërkon futbollistin që luan me Përfaqësuesen e Zvicrës.
E, për të siguruar shërbimet e Shaqirit, spanjollët janë duke mbledhur shumën prej rreth 23 milionë eurosh, aq sa kërkon Liverpooli për të.