Gjesti i madh nga Kosova, ja dy tifozët e vetëm që do të lejohen të futen në stadium
Si në shumë vende të tjera, edhe në Kosovë kampionati do të rinisë përsëri pas pezullimit për shkak të Koronavirusit dhe të gjitha verdiktet do të jepen në fushën e lojës.
Pasi mundi të testojë të gjithë lojtarët, stafet dhe gjyqtarët, tani nga Kosova vjen një tjetër gjest i madh. Të gjitha ndeshjet do të luhen më dyer të mbyllura, por në stadium do të lejohen vetëm dy tifozë të veçantë.
Avdullah Berisha dhe Bujar Gollopeni, e kanë gjithmonë lejen dhe mund të hynë në stadium kur të duan. Kjo është miratuar edhe nga Ministria e Shëndetësisë së Kosovës dhe dy personat, të cilët janë me aftësi të kufizuara, nëse duan mund t’i ndjekin skuadrat e zemrës nga afër.
