Portieri i PSG-së, Marcin Bulka i cili u kthye në vendlindjen e tij, Poloni, pas ndërprerjes së detyruar të futbollit, pësoi një aksident të frikshëm rrugor natën e të mërkurës.
Sipas atyre që raportojnë mediat polake, 20 vjeçari po udhëtonte me makinën e tij tip Lamborghini dhe në momentin që ka tentuar të parakalojë një automjet është përplasur me një makinë tjetër që vinte nga ana e kundërt e rrugës.
Fotografitë e gjendjes së automjetit tregojnë se pasojat mund të ishin shumë më rënda, por për fat të mirë portieri ia hodhi paq.
Mirëpo gjithçka nuk është mbyllur këtu pasi nga lajmet e fundit që qarkullojnë në Poloni, portieri tani rrezikon të dënohet nga gjykata polake me tre vjet burg, për shkaktim aksidenti.