Isco vuan nga një dëmtim në kofshën e djathtë, siç njoftohet nga Real Madridi në një raport zyrtar mjekësor. Futbollisti nga Malaga humbet kësisoji jo vetëm ndeshjen e mbrëmjes së sotme kundër Valencia në “Alfredo di Stéfano”, por duhet të qëndrojë rreth tri javë pushim. Kjo periudhë mund të ngërthejë rreth gjashtë ndeshje.
Stafi mjekësor i Real Madridit ka zbuluar situatën e lojtarit në faqen e internetit: “Pas testeve të kryera sot, lojtari ynë, Isco Alarcón, është diagnostikuar me një dëmtim të muskujve në kofshën e djathtë nga shërbimet mjekësore të Real Madridit. Në pritje të evolucionit”.
Isco u dëmtua mbrëmjen e së mërkurës, në stërvitjen që po kryente në “Valdebebas”.
Një pengesë serioze për Zidane, i cili e kishte llogaritur ish-lojtarin e Malaga për ndeshjen e sotme, kundër Valencia (22:00). Tashmë, nuk mund të mbështetet tek ai as në tri javët e ardhshme.
