Ish futbollisti i mirënjohur, Valdet Hoxha, si sot i kujtohet ndeshja e të mërkurës së 8 majit në vitin 1985, në mes të Cërvena Zvezdës së Gjilanit dhe Buduçnostit nga Peja, në atëkohë derbi i javës së 26-të siç quhej Liga e Parë Krahinore e Kosovës.
Atëkohë, Hoxha ka qenë udhëheqës i rrugës në klubin pejan.
Ndeshje me tensione të mëdha, saqë edhe milicia kishte ndërhyrë dhe madje edhe me qen për të qetësuar situatën tejet të tensionuar!
Pejanët ishin ankuar se u dëmtuan rëndë nga gjyqtari, aty nisin fyerjet e kacafytjet!
Valdet Hoxha komenton shkrimin e gazetës Kombëtare “Bota sot”, me titull: “Kacafytje në vitin 1985 në Gjilan, ja si futet milicia me qen në fushë! Formacioni më shumë emra të njohur”
“Sa për ilustrim, fajtori kryesor për këtë tollovi ishte trajneri i Cërvena Zvezdës, Misha Albijaniqi, ata që e njohin e dinë kush ishte ai!”, komenton shkurt Hoxha. Gjilanasit e fituan takimin me 1:0 dhe kryeosnin renditjen me 42 pikë, tri më shumë se pejanët pas 26 javëve.
Cërvena Zvezda-Buduçnosti 1:0.
Stadiumi në Gjilan.
Shikues: 6.000.
Shënues: Shefqet Lajçi (22’).
Cërvena Zvezda e Gjilanit: Markoviq, Dërmaku 5, S. Bunjaku 6, Ahmeti, Trajkoviqi 5, Stankoviq 7, Jetishi 5 (Mehana), Osmani 7, Sahiti 7 (Rudiqi), N. Bunjaku 7 dhe Lajçi 7.
Buduçnosti nga Peja: Vukoviq 7, Burri 6, Kolenoviq 6, Bellopoja 7, Dautaj 6, Kastrati 5, Bullatoviq 6, Hoxha 6 (Belegu 6), Nekoviq 6, Malikoviq 6 dhe Shala 6 (Krushçiqi).
