Arsenali është afër të nënshkruajë kontratë të re me kapitenin, Pierre-Emerick Aubameyang, vetëm një ditë pasi bën publik lajmin që do të largojnë nga puna 55 puntorë të klubit, transmeton Insporti.
Lojtarët e Arsenalit, të udhëhequr nga ish kapitenit Granit Xhaka janë nervozuar tej mase me vendimin e fundit të klubit për largim nga puna të mbi 50 puntorëve, vendim ky i cili vjen në kohën kur klubi po negocion një kontratë të re prej 250.000 funta në javë për sulmuesin gabonez, Aubameyang.
Lojtarët të udhëhequr nga Granit Xhaka kanë shprehur shqetësimin e tyre me veprimet e fundit të klubit nga Londra, pasi në fillimin të pandemisë ata kishin pranuar një zbritje të pagës prej 12.5% me qëllimin që puntorët e klubit të mos dëmtohen financiarisht.
Lajmi i kumtuar nga drejtori sportiv i klubit, Raul Sanllehi ishte befasues për ta dhe vjen direkt nga pronari miliader i klubit, Stan Kroenke.
Lojtarët në krye me Xhakën janë shprehur se janë kundër këtij vendimi dhe se do të shikojnë se çfarë masa mund ata të marrin që një vendim i tillë të mos zbatohet.
Nga pjestarët e stafit të cilët largohen me vendimin e ri është edhe skauti Francis Cagigao, i cili kishte zbuluar Cesc Fabregas sa ai luante për Barcelonën.
Kujtojmë se Arsenali ka gjithsej 550 puntorë ndërsa klubi ka vlerë prej 2.2 miliardë dollar sipas revistës “Forbes”.