Futbollistët e Kombëtares së Anglisë, Phil Foden dhe Mason Greenwood, janë larguar nga Kombëtarja, pasi thyen rregullat anti-COVID, duke ftuar femra në hotelin e skuadrës në Islandë.
Foden dhe Greenwood debutuan me Anglinë në fitoren 1:0 ndaj Islandës në Ligën e Kombeve të shtunën.
Mediat islandeze raportuan sot se dyshja kishin ftuar disa femra në hotelin e skuadrës të dielën.
Kështu, ata kanë thyer rregullat e izolimit, të cilat janë tejet strikte.
Kjo e ka shtyrë përzgjedhësin Gareth Southgate t'i largojë të dy futbollistët nga grumbullimi para ndeshjes ndaj Danimarkës.