Pas fitores inauguruese të kampionatit të ri kundër Fiorentinës, Inter po përgatitet për të rikuperuar sfidën e shtyrë në kohë të javës së parë, ndaj Benevento. Skuadra e Inzaghi, gjithashtu, vjen nga një përmbysje befasuese, kundër Sampdoria. Për zikaltrit nuk do të jetë në dispozicion Radja Nainggolan, pavarësisht se ka luajtur kundër Fiorentinës. Cagliari duhet t’i paguajë Interit rreth 12 milionë euro, plus dy lojtarë të rinj, dhe të blejë përfundimisht belgun.
Interi i ka fituar të dyja ndeshjet e Serie A kundër Benevento: 2-1, në tetor 2017, dhe 2-0 (në shtëpi), në shkurt 2018. Me fitoren kundër Sampdoria, skuadra e Benevento ka vetëm një pikë më pak sesa grumbulloi gjithë fazën e parë të sezonit të saj të mëparshëm në Serie A (4 pikë në 2017-2018).
Pippo Inzaghi do të bëjë disa ndryshime në formacion, krahasuar me ndeshjen e fituar kundër Sampdoria. May duhet të marrë fanellën fillestare, që i përkiste Foulon, me Letizia që shkon në të majtë. Hetemaj do të përforcojë mesfushën në vend të Dabos. Dhe së fundmi, në sulm do t’i mbetet Sau të luajë si titullar, në vend të Caprari.
Interi eksperimental i ndeshjes së parë kundër Fiorentinës do të jetë e vështirë të shihet përsëri. Në mbrojtje, De Vrij kthehet nga pezullimi dhe do të ketë partner Skriniar (më i sigurt për të qëndruar tek Interi sesa disa ditë më parë). Kolarov duhet të sfidojë Baston për të tretin e prapavijës. Nga fillimi pritet të luajë edhe Arturo Vidal, që debutoi me fanellën zikaltër në sfidën pararendëse, por si zëvendësues.
