I pyetur përpara hyrjes në samitin e mazhorancës, ku do të diskutohet mbi ligjin e delegacionit, Ministri i Sportit, Vincenzo Spadafora, shpjegoi për situatën në futbollin Italian, ku Covid-19 po përhapet me shpejtësi. Referenca për alarm ishte dalja e 14 personave pozitivë te Genoa, ditën e djeshme:
“Unë dua të jem optimist, nuk ka kushte për ta ndaluar kampionatin. A duhet ta rishikojmë protokollin sanitar, duke pasur parasysh kurbën e infektimit? Jo, më duket se nuk është koha. Protokolli është mirë tani për tani”.
Kësisoji, Spadafora del mbi fjalët e nënsekretares për shëndetin, Sandra Zampa, më pas të korrigjuara. Në fillim, Zampa tha se kampionati italian duhej pezulluar, duke pasur parasysh rastet e pozitivitetit mes lojtarëve.