Prishtina ka dalur duarthatë nga stadiumi “Riza Lushta” në Mitrovicë, duke pësuar humbje me rezultat 1:0 nga Trepça ’89, në kuadër të javës së 4-të të elitës së futbollit të Kosovës.
Prishtina ka pasur disa raste të mira shënimi, por kur nuk e do nuk e do, ndërsa mitrovicasit arkëtuan tri pikë të mëdha, që nuk maten as me ari.
Trepça ‘89 shtang Prishtinën.
Në minutën 80-të, portieri i Prishtinës, Haxho shkaktoi penallti ndaj Ziye.
Në minutën e 82-të, Ardian Muja u tregua i saktë nga penalltia, 1:0. Në fund të takimit, sulmuesi i Prishtinës, Oto John, ka pasur mundësi ideale që të barazojë rezultatin por pa sukses. Ai ka humbur disa raste, që i kushtuan shtrenjtë Prishtinës. Trepça ’89 ngjitet në vend të tretë me 6 pikë, Prishtina bie në atë të gjashtën me 4 sosh.
Superliga e Kosovës
Drita-Besa 3:1
Trepça '89-Prishtina 1:0
Llapi-Ballkani 1:3
Arbëria-Feronikeli 0:0
Nesër
Drenica-Gjilani 15.00
Tabela
1. Ballkani 4 3 1 0 10:4 10
2. Arbëria 4 2 2 0 6:1 8
3. Trepça ’89 3 2 0 1 2:2 6
4. Feronikeli 4 1 2 1 8:5 5
5. Prishtina 3 1 1 1 4:2 4
6. Drenica 3 1 1 1 4:6 4
7. Gjilani 3 1 1 1 1:4 4
8. Drita 1 1 0 0 3:1 3
9. Llapi 3 0 0 3 1:5 0
10. Besa 4 0 0 4 3:12 0
Në javën e pestë do të takohen: Gjilani-Arbëria, Feronikeli-Drita, Ballkani-Prishtina, Besa-Trepça '89 dhe Prishtina-Llapi.