Trajneri i Shakhtarit: Reali ka gabuar që lejoi largimin e Ronaldos

Futboll

Trajneri i Shakhtarit: Reali ka gabuar që lejoi largimin e Ronaldos

Më: 20 tetor 2020 Në ora: 09:09
Cristiano Ronaldo

Cristiano Ronaldo është futbollisti më efektiv dhe asnjëherë nuk është dashur t’i lejohet largimi nga Real Madridi – ka thënë trajneri i Shakhtar Donetskut, Luis Castro.

Gjatë nëntë viteve të kaluara në Santiago Bernabeu, superylli portugez shënoi rekord prej 450 golash dhe fitoi 15 trofe të mëdha me klubin.

Në verën e vitit 2018, ai u largua drejt Juvetnusit dhe vazhdoi me formën e jashtëzakonshme duke shënuar shumë gola dhe i ka fituar dy tituj radhazi të Serie A.

Të mërkurën mbrëma, Reali luan me Shakhtarin në kuadër të Grupit B në Ligën e Kampionëve, ndërsa trajneri klubit ukrainas ka thënë se Mbretërit gabuan që lejuan largimin e 35-vjeçarit.

“Kur e ke Cristianon në ekipin tënd, kurrë nuk duhet ta lësh të largohet. Kurrë. Po flasim për më të mirin, futbollistin më efektiv në botë, një makinë, makinë e sakrificës”.

“Nuk më pëlqen të bëj krahasime. Por, po, për mua, ai është më i miri. Cristiano ka një histori prapa që është shembullore”, ka deklaruar Luis Castro për Marca.

Shfaq komentet
comments powered by Disqus
Sot mund të lexoni Shfletoni kopertinat