Talenti i Barcelonës, Pedri, duket se e ka tepruar me modestinë e tij, madje së fundmi ka përfunduar në qendër të vëmendjes në rrjetet sociale. 17-vjeçari gjeti rrugën e rrjetës në sfidën e djeshme ndaj Ferencvaroshit.
Ai u aktivizua në minutën e 73 të takimit, teksa gjeti rrugën e rrjetës në fundin e ndeshjes. Por më shumë se goli i tij, vëmendje të madhe mori thjeshtësia e 17-vjeçarit, e cila ka shkaktuar habi.
17-vjeçari mbërriti në stadium me një qese plastike, ku kishte futur sendet e tij personale, teksa u largua pas ndeshjes me taksi drejt shtëpisë së tij.
Një futbollist i Barcelonës që shënon gol në Champions, që vjen në stadium me qese dhe largohet me taksi, në kufijtë e të pabesueshmes, por e vërtetë...
