Trajneri Simone Inzaghi mund t’ia japë rastin sulmuesit të luajë nga minuta e parë për herë të parë që prej transferimit në Lazio, në duelin e fundjavës ndaj Torinos
Vedat Muriqi nuk ka luajtur ende nga minuta e parë që kur u transferua në Lazio javë më parë.
Futbollisti është inkuadruar kryesisht në pjesën e dytë, në Serie A dhe në Ligën e Kampionëve.
Por, në fundjavë, prizrenasi mund të debutojë si titullar tek “Biancocelesti”.
Trajneri Simone Inzaghi nuk do të mund të llogarisë në Luis Alberton e Ciro Immobilen për ndeshjen e së dielës ndaj Torinos në udhëtim.
Prandaj, kjo duket se do të jetë një mundësi ideale që ish-futbollisti i Rizesporit dhe Fenerbahçes të luajë nga minuta e parë, së bashku me Andreas Pereiran.
Muriqi nuk e ka gjetur ende golin në fanellën e Lazios, por nuk ka pasur as raste të mira shënimi.
Andaj, 26 vjeçari do ta ketë një mundësi të artë për t’i treguar vlerat e tij në ndeshjen e fundjavës.
