Sallah Sherifi mendon që Gjilani e meritoi fitoren në ndeshjen ndaj Feronikelit sot.
Tekniku që po e zëvendëson Gentjan Mezanin, i cili mungon për arsye private, deklaroi që mysafirët u mbrojtën shumë dhe e zhargitën lojën, përcjellë Olle.
“Skuadra tregoi karakter të fortë dhe e dëshiroi fitoren në cdo moment, mirëpo Feronikeli u mbrojt shumë me pesë futbollistë e po ashtu ndonjëherë edhe e zhargiti ndeshjen”, deklaroi Sherifi për Art Sport.
“Mendoj që ne e merituam fitoren sot, por nuk e arritëm atë”.
“Po na mungon futbollisti që e shtynë topin në rrjetë. Shpresoj të përmirësohemi”, shtoi ai.
Pas barazimit me Feronikelin, Gjilani mbetet tetë pikë pas Ballkanit.