Cristiano Ronaldo ka barazuar rekordin e Ferenc Puskas, duke u bërë golashënuesi i katërt më i mirë në historinë e futbollit.
Pesë herë fituesi i Topit të Artë, u inkuadrua në pjesën e dytë të ndeshjes Portugali – Andorrë, duke shënuar një gol.
Goli i Ronaldos ishte i 746-ti në karrierën e tij, aq sa ka edhe legjenda e Hungarisë dhe Real Madridit, Ferenc Puscas.
Vetëm Josef Bican, Romario dhe Pele, kanë shënuar më shumë se Ronaldo gjatë karrierës së tij.
Ish sulmuesi i Slavia Pragë, është golashënuesi më i mirë në histori, me 805 gola, Romario ka shënuar 772 ndërsa Pele 767.
