Milot Rashica ishte njëri prej futbollistëve më të kërkuar në afatin kalimtar veror.
Përkundër kësaj, futbollisti i Kosovës në fund mbeti pjesë e Werder Bremenit.
Nga ana tjetër, legjenda e futbollit brazilian, Giovane Elber ka dhënë një deklaratë interesante për Rashicën.
Ish-futbollisti i Bayern Munihut mendon se 24-vjeçari është i vetmi nga futbollistët e Werder Bremenit që mund të luajë te bavarezët.
“Rashica ka aftësi që të luaj atë rol te Bayerni. Kur them Rashica, mendoj në atë që e kemi parë para disa muajsh në Bundesligë, jo këtë të tanishmin. Së fundi ai ka kaluar formë të dobët dhe ka pasur disa lëndime”, tha ai.
