Verona dhe Cagliari nuk shkuan përtej një barazimi 1-1, duke marrë nga një pikë, në ndeshjen e parë të ditës në kampionatin italian dhe u detyruan të kënaqen me nga një pikë.
Skuadra e drejtuar nga Ivan Juric vinte pas fitores së bujshme 0-2 në transfertë ndaj Atalantës dhe bëri shumë mirë në pjesën e parë, duke shënuar dy herë me Di Carminen e Zaccagnin, por goli i të parit u anulua për një pozicion jashtë loje.
Nga ana tjetër Cagliari nuk ishte shumë i qartë në manovrën sulmuese, megjithatë arriti të godasë dy herë traversën e portës së Veronës pas goditjeve standarde, ndërsa golin e barazimit e shënoi Marin në të vetmin aksion të qartë.
Në 10 minutat e fundit Verona ngriti sërish nivelin e lojës dhe i shkoi shumë pranë golit të fitores, por të rinjtë si Favili, Salcedo e Colley shpërdoruan mundësi shumë të mira dhe nuk arritën të ndryshojnë fatin e ndeshjes.
