Cristiano Ronaldo u zgjodh futbollisti më i mirë i shekullit gjatë ceremonisë së “Globe Soccer Awards”, në Dubai të Emirateve të Bashkuara Arabe.
Kampioni i Juventusit, i intervistuar gjatë dhënies së çmimit, falënderoi familjen e tij, shokët e skuadrës dhe klubet në të cilat është aktivizuar. CR7 ishte i shoqëruar nga e dashura e tij, Georgina, dhe djali i tij i madh, Cristiano Jr. Gjatë intervistës, kampioni portugez foli edhe për Cristiano Jr: “Nuk mendoj se ai aktualisht ka atë që duhet për të arritur në majë.
Ndonjëherë jam i ashpër me të, sepse ai pi Coca-Cola dhe Fanta. Mërzitem dhe e kritikoj kur ha patate të skuqura dhe gjëra të tjera, ai e di që nuk më pëlqen kjo. Edhe fëmijët e mi më të vegjël kur hanë çokollatë më shikojnë të shqetësuar”.
Por ai nuk ka dyshim për cilësitë e djalit të tij: “Sinqerisht ai ka potencial, është një djalë i fortë, i shpejtë, driblon mirë, por ai është ende askushi . I them çdo herë që duhet shumë përkushtim, punë e madhe. Ndonjëherë kur është në shtëpi e këshilloj që të vrapojë dhe pak dhe pastaj të bëjë një banjë me ujë të ftohtë për tu rikuperuar.
Ai ankohet, nuk dëshiron, thotë se uji është shumë i ftohtë. E kuptoj. Ai është vetëm 10 vjeç, por gjithçka varet nga ai.” Sa i përket zgjedhjeve të tij, CR7 dha se nuk do të ushtrojë trysni tek ai: “Nuk do t’i bëj presion, nuk do të bëj asgjë për ta bërë futbollist.
Sigurisht, do të doja që ai të bëhej një, ai do të vendosë nëse dëshiron të jetë një mjek apo diçka tjetër. Por unë dua që ai të mendojë si duhet, të jetë më i miri në çdo gjë që ai zgjedh të bëjë”.
