Mirlind Daku është duke shkëlqyer këtë sezon.
Gjilanasi gjeti formën qysh në start të këtij edicioni duke arritur nivele që ndoshta as ai vetë nuk i kishte imagjinuar më parë.
Daku deri më tani ka arritur të realizoj plotë 21 gola në takimet e Superligës.
Ai dhe skuadra e tij Ballkani janë aktualisht në Antalia, aty ku janë gati ta kryejnë fazën përgatitore para fillimit të stinorit pranveror.
Daku përmes rrjetit social instagram ka treguar se cili është inspirimi i tij.
Ai përmes një videoje të postuar në story ka bërë të ditur se futbollisti të cilin ai e ndjek është Zlatan Ibrahimovic.