Një nga historitë e besnikërisë së një futbollisti karshi skuadrës së zemrës është ajo e Del Pieros, Buffon e të tjerë, që nuk e braktisën Juventusin kur zbriti në Serie B.
Se sa e donte “Pinturikio” fanellën bardhezi e tregon përmes një anekdote edhe trajneri i madh, Sir Alex Ferguson:
“Kam bërë më shumë se një ofertë për Del Pieron, për t’iu bashkuar Manchester United, por ai gjithmonë më është përgjigjur: Juventusi është shtëpia ime, nuk do të largohem kurrë.
Kur Juventusi zbriti në Serie B, mendova se ishte shansi im, prandaj e telefonova dhe e ftova të bashkohem përsëri me Manchester United. Ai më tha: Unë jam kapiteni i kësaj skuadre, nuk do ta lë kurrë, edhe nëse Juventusi luan në kategorinë e tretë”.
