Barcelona mundi Valladolid dje falë një goli të realizuar në minutën e 90-të nga Ousmane Dembélé.
Një fitore e vuajtur, e cila erdhi vetëm në fund dhe shumë e kontestuar nga mysafirët, të cilët në fund të lojës sulmuan gjyqtarin, fajtor për favorizimin e blaugranave në dy raste: hendbollin e Jordi Alba në zonën e tij dhe dëbimi me të kuq i Plano, gjykim shumë i rëndë.
Në fund të lojës, kryebashkiaku i Valladolid, Oscar Puente, gjithashtu tregoi gjithë zhgënjimin e tij me disa postime të diskutueshme në Twitter:
“Vjedhja është e dukshme.
Ky është një turp i papranueshëm”, shkroi ai në fillim.
Pastaj, më me hollësi: “Mendoj se gjyqtari duhet të shkojë në dhomën e zhveshjes së Barcelonës dhe të qortojë lojtarët. Ata pothuajse nuk mund të fitonin dot… Nuk ishin në lartësinë e punës së arbitrit”.
