Bayerni dominoi të gjithë ndeshjen ndaj PSG, duke treguar superioritet në krijimin e aksioneve.
Megjithatë në fund ishin parizienët ata që dolën triumfues dhe janë një hap larg kualifikimit në gjysmë finale. Sulmuesi i Bajernit, Thomas Muller ishte mjaft i frustruar me sulmin, i cili nuk arriti të finalizojë shancet e pastra.
Sipas tij nëse ndeshja do të kishte përfunduar 6:3, askush nuk do të ankohej pasi gjithçka do të ishte e merituar për mënyrën sesi rrodhi loja.
“Duhet të shënonim dukshëm më shumë se kaq. Gjithmonë flasim për golat që pësuam, por nëse ndeshja do të kishte përfunduar 6-3 askush nuk do të ishte ankuar.
Nuk duhet të kishim lejuar kaq shumë gabime, nëse do të kishim treguar instiktin vrastar, do të flisnim për një ndeshje tjetër”- deklaroi Muller.
