Maqedonia e Veriut do të luajë dy ndeshje miqësore, me Slloveninë dhe Kazakistanin, dhe më pas udhëton në Kampionatin Evropian.
“Futbollisti Enis Bardhi, i cili doli pozitiv me koronavirusin, është mirë me shëndet, nuk ka simptoma dhe temperaturë, ndryshe nga dita e parë që kishte një rritje të lehtë të temperaturës.
Ai mbetet në karantinë në një dhomë të veçantë në ‘Hilton Hotel’, ku po qëndrojnë lojtarët e ekipit kombëtar”, shkruan media maqedone “Ekipa. mk”.
“Kapiteni Goran Pandev sot do të mbërrijë nga Italia. Ai do të bashkohet me shokët e tij të skuadrës në stërvitje, dhe trajneri Angelovski do të vendosë nëse do të luajë ndeshjen me Slloveninë më 1 qershor apo do ta ruajë atë për Kampionatin Evropian”, shkruan më tej.
