Pas 74 viteve, ekipi i Brentford ka gjetur rrugën e rikthimit në elitën e futbollit anglez.
Brentford e mposhti Swansean në play-off me rezultat 2:0 për të siguruar promovimin në Premierligë.
Golat për Brentford i shënuan Toney nga penalltia në minutën e 10-të dhe Marcondes në të 20-tën në ndeshjen që u luajt në “Wembley” dhe në praninë e një numri të reduktuar të tifozëve.
Kështu, Brentford rikthehet në elitë pas 74 viteve, ndërsa Swansea do të duhet ta kërkojë promovimin në edicionin e ardhshëm.
