Paul Pogba pretendon që Antonio Rudiger “e ka kafshuar” atë gjatë fitores së Francës në Euro 2020 kundër Gjermanisë, por nuk dëshiron që mbrojtësi të dënohet për incidentin.
Mesfushori i Manchester United reagoi me zemërim pasi Rudiger u kap në kamera duke vendosur fytyrën pranë shpinës së Pogba.
Pogba duket se i sugjeroi gjyqtarit se Rudiger e kishte kafshuar atë pas përplasjes midis dy lojtarëve drejt fundit të pjesës së parë në Mynih.
“Unë nuk po ankohem për kartona, kartona të verdhë apo të kuq për shkak të veprimeve të tilla,” tha Pogba.
“Ai më bëri me shenja, mendoj, paksa mbi mua. Por ne e kemi njohur njëri-tjetrin për një kohë të gjatë.
“Unë i thashë gjyqtarit dhe ai mori një vendim. Ka mbaruar tashmë kjo gjë”.
“Ishte një ndeshje e shkëlqyeshme për ne … dhe nuk dua që ai të pezullohet për shkak të një situate të tillë. Ishte drejt fundit të ndeshjes. Ne u përqafuam me njëri-tjetrin dhe kaq”, përfundoi Pogba.
