Tjetër në goditje në merkato për Dinamon që bën një afrim për të ardhmen duke marrë nga Pogradeci mesfushorin Marin Abazaj.
I riu spikati sezonin e shkuar te Pogradeci, me 5 gola të shënuar në 18 ndeshje, ndërkohë që një sezon ka qenë edhe me moshat e Tiranës. Dinamo po mendon t’u besojë elementëve të rinj dhe Abazaj është njëri prej tyre.
“Marin Abazaj, afrimi i radhës. Një vëmendje të madhe në projektin e ri kanë futbollistët e rinj me perspektivë.
Kështu, firma e radhës për Dinamon është ajo e 20-vjeçarit pogradecar, Marin Abazaj.
Mesfushori i krahut të majtë është zyrtarisht pjesë e bluve”, njoftojnë 18 herë kampionët e vendit.
