“Futbolli është një mjet tepër i rëndësishëm për shoqërinë.
Ne punojmë së bashku me qeverinë për të shpejtuar fushatën e vaksinimit dhe për t’i sjellë njerëzit përsëri në stadium.” Kjo ishte deklarata e Paolo Dal Pinos, presidentit të Serisë A, gjatë një interviste me “Corriere della Sera”, duke nënvizuar rolin e futbollit, “një sektor që tërheq interesin e 38 milionë njerëzve”. “Lega Serie A me të gjitha 20 klubet, Federata e Futbollit, u kanë dërguar letra institucioneve, duke kërkuar kthimin e 100% të spektatorëve në stadiume .
Nuk është një kërkesë e çmendur – shpjegoi ai – ne i shtyjmë italianët të vaksinohen, pasi deri më tani vetëm 45 për qind e popullsisë mbi moshën 12 vjeç është vaksinuar.
Futbolli është një forcë e pabesueshme shoqërore dhe sa më shumë të jetë numri i atyre që vaksinohen dhe kanë një pasaportë vaksinimi, aq më pranë hapjes totale të stadiumeve jemi.”
Sidoqoftë, institucionet nuk duken plotësisht dakord me këtë kërkesë.
“Unë jam i detyruar të pranoj se qeveria e mëparshme tregoi zero ndjeshmëri ndaj çështjeve kritike të ngritura nga Serie A dhe Federata,” – është shprehur Dal Pino, teksa shtoi se: “Marrëdhëniet ishin inekzistente, por tani ato kanë rinisur. Dal Pino tha gjithashtu se institucionet duhet të marrin në konsideratë që futbolli ka ndikim të madh në ekonomi dhe për këtë ai mori si shembull suksesin e Italisë në Europian që ka kontribuar me një rritje prej 0.7% të PBB-së".
