Jurgen Klopp ende në kërkim të zëvendësimit të Georginio Wijnaldum.
Gjigandi anglez Liverpooli i është bashkuar garës për të siguruar shërbimet e mesfushorit të Sassuolos Manuel Locatelli, raporton “90min”.
“Të Kuqtë” do të garojnë me Juventusin dhe Arsenalin për ta siguruar transferimin e mesfushorit italian, për të cilin Sassuolo po kërkon 40 milionë euro, përcjell KosovaPress.
Krerët e Liverpoolit thuhet se janë të gatshëm të bëjnë ofertën e tyre të parë drejt klubit italian për Locatellin, i cili së fundmi ishte ndër lojtarët kyç të Italisë në triumfin e Kampionatit Evropian Euro 2020.
Trajneri Jurgen Klopp është në kërkim të zëvendësuesit të Wijnaldum, ku ky i fundit u largua nga Liverpooli si lojtarë i lirë, duke u transferuar tek Paris Saint-Germain me parametra zero.
