Boca Juniors siguroi një biletë për në fazën çerekfinale të Kupës së Argjentinës, pasi mposhti pas goditjes së penalltive River Plate në Superclasicon e zhvilluar në La Plata.
90 minutat e kohës së rregullt nuk prodhuan asnjë gol me ndeshjen që ishte shumë e luftuar pasi gjyqtari kryesor nxorri plot 10 kartona të verdhë, 6 për Los Millinarios dhe 4 për Bocan.
Te 11-metërshat skuadra e trajnerit Russo u tregua më e saktë me Marcos Rojon, Ramirez, Cristian Pavon e Izquerdios që realizuan të gjithë me radhë për Boca Juniors ndërkohë që për River Plate nga 3 penallti të goditura në total realizoi vetëm Martinez.
Në çerekfinalet e Kupës së Argjentinës, Boca Juniors do të përballet me Patronato.
