Pas dy fitoreve dhe dy humbjeve, Shqipëria do ta zhvillojë sonte ndeshjen e pestë të kualifikimeve për në Kampionatin Botëror “Katar 2022” kundër Hungarisë në “Elbasan Arena” nga ora 18:00.
Kuqezinjtë vijnë nga humbja nga Polonia ku u mposhtën me rezultat 4-1 dhe do të kërkojnë një reagim ndaj Hungarisë, ndeshje kjo shumë e rëndësishme sa i përket renditjes në këtë grup.
Trajneri Edi Reja nuk do t’i ketë në dispozicion shërbimet e treshes Elseid Hysaj, Keidi Bare dhe Rey Manaj të cilët do të mungojnë për shkak të kartonëve. Në këtë sfidë pritet të debutojë për Shqipërinë edhe ardhja e re, Nedim Bajrami.
Shqipëria: Berisha, Doka, Gjimshiti, Kumbulla, Ismajli, Trashi, Bajrami, Abrashi, Gjasula, Uzuni, Cikalleshi.
