Mbrojtësi i djathtë i Liverpool në ndeshjen e mbrëmshme në kuadër të ndeshjeve kualifikuese të Botërorit, ndaj Andorrës startoi jo në pozicionin e tij natyral, por në ate të mesfushës.
Trent Alexander-Arnold ka thënë për ‘talkSPORT’ se ai e kishte të vështirë të luante në mesfushë për Anglinë dhe se lëvizja e shumëpritur ishte një ‘eksperiment’ nga Gareth Southgate.
Mbrojtësi i krahut ka arritur 32 asistime mbresëlënëse në tre kampanjat e tij të mëparshme në Premier Ligë, duke u bërë një nga pikat kryesore kreative të Jurgen Klopp.
Sidoqoftë, ai ka luftuar për minuta të rregullta për Anglinë, me Southgate që ka një numër të lartë të opsioneve në krahun e djathtë, përfshirë Reece James, Kyle Walker dhe Kieran Trippier.
Të dielën “Tre Luanët” u përballën me Andorrën dhe Southgate ‘eksperimentoi’ me formacionin e tij duke luajtur me Trent Arnold në mesfushë.
Anglezi në një intervistë për ‘talkSPORT’ pranoi se e kishte të vështirë të adaptohej në mesfushë.
“Është një rol i ri për mua, pak më ndryshe, mendoj se janë bërë shumë pyetje nëse mund ose nuk mund të luaj atje dhe shumë opinione janë shprehur gjatë javëve të fundit,” tha Alexander-Arnold, duke folur ekskluzivisht për korrespondenten e talkSPORT në Angli, Faye Carruthers.
“Ishte një eksperiment që menaxheri donte ta provonte, por ishte e vështirë të adaptohesha me topin në mesfushë, e kisha shumë më të vështirë të ecja përpara me top në ato hapësira.
“Por, nëse jam duke filluar atje ose duke filluar me mbrojtësin e djathtë, mendoj se natyrisht që e gjej veten duke u futur në mesfushë, duke marrë topin dhe duke ndikuar në lojë” është shprehur 22-vjeçari.
Pas pushimit, Alexander-Arnold u kthye në pozicionin e tij natyror të mbrojtësit të djathtë, duke u dukur shumë më i rehatshëm me një rritje të pasimeve në 91%.
“Dallimi i vetëm ishte se po filloja atje [në mesfushë] dhe ishte pak më e vështirë të gjeja vërtet hapësirën që doja.
“Pjesën e dytë ne ndryshuam sistemin pak dhe unë isha në gjendje të gjeja shumë më tepër hapësirë dhe të gjeja kohë në top dhe të merrja pozicione që ishin mjaft të ngjashme me lojën në mesfushë gjithsesi”, përfundoi mbrojtësi anglez.
