Drenica nga Skenderaj po befason për të mirë në shtatë javët e para në elitën e futbollit të Kosovës, e cila ka vetëm një humbje.
Drenica udhëheq kreun e tabelës me 14 pikë, me 4 fitore, 2 barazime e 1 humbje, me goldallim 8:6.
Tahir Lushtaku ka tejkaluar pritshmëritë dhe pa dyshim është trajneri më i mirë për muajin shtator!
Lushtaku ka ndërtuar një ekip shumë të mirë.
Cilat janë të veçantat?
Drenica më e suksesshme si mysafirë se sa si vendas. Nga katër ndeshjet si vendas ka fituar 7 pikë, po aq pikë nga tri ndeshje si mysafirë.
Të vetmen humbje e ka si vendas me rezultat 2:0 nga Drita e Gjilanit. Në udhëtim ka dy fitore e një barazim, si vendas 2 fitore, 1 barazim e 1 humbje. Drenica gjunjëzoi me rezultat 2:1 kampionin në fuqi Prishtinën.
Edhe goldallimin e ka më të mirë si mysafirë, 4:2 në favor të saj, ndërsa si vendas 4:4.
Mate si ta matesh, Drenica më e suksesshme si mysafirë.
Nesër në orën 15.00 do të luajnë në Therandë kundër Ballkanit, derbi i javës së 8-të të elitës së futbollit të Kosovës.
Krejt në fund, Drenica e çudive sa i përket statistikave, rezultate jo të rastit por si fryt i punës së palodhshme të trajnerit Lushtaku.
Rezultatet
Java e parë
Drenica - Gjilani 1:1
Java e dytë
Dukagjini - Drenica 1:2
Java e tretë
Drenica - Prishtina 2:1
Java e katërt
Ulpiana - Drenica 0:1
Java e pestë
Drenica - Drita 0:2
Java e gjashtë
Llapi - Drenica 1:1
Java e shtatë
Drenica - Malisheva 1:0
Java e tetë
Ballkani - Drenica
Java e nënt
Drenica - Feronikeli