Çuditërisht, Paul Pogba duket afër rinovimit të kontratës së tij me Manchester United në qershor.
Sipas “L’Equipe”, mesfushori francez, pas muajsh zëra për lamtumirën e tij të afërt nga “Djajtë e Kuq”, ka ndryshuar mendje dhe synon të vazhdojë aventurën e tij me një Manchester United që gjithashtu ka ambicie të mëdha në Evropë, siç dëshmohet nga kthimi i Cristiano Ronaldos.
Pogba është lidhur vazhdimisht me PSG dhe Real Madridin që nga viti i kaluar, por Messi dhe shumë lojtarë të tjerë të mëdhenj (Wijnaldum në mesfushë) mbërritën në Paris, ndërsa spanjollët u përqëndruan te talenti i ri francez, Camavinga. Juventusi, gjithashtu mbajti një sy nga Pogba me idenë për ta sjellë atë përsëri në Torino.
“L’Equipe” shkruan se negociatat për rinovimin e Pogba me Manchester United kanë rimarrë fuqinë, aq sa për kampionin botëror 28-vjeçar, një pagë prej 20 milionë eurosh në vit është gati. Kjo do ta bënte atë një nga lojtarët më të paguar në Premier League.
