Eksperti i transferimeve, Fabrizio Romano ka zbuluar favoritin për të marrë stolin e Barcelonës.
Pas humbjes nga Rayo Vallecano, Barcelona e shkarkoi trajnerin Ronald Koeman shkaku i rezultateve të dobëta.
Romano përmes një postimi në “Facebook” konfirmoi se Xavi është pasuesi më favorit për teknikun holandez.
“Xavi është ende duke u konsideruar favoriti për të marrë punën e Barcelonës. Ai do donte të rikthehej siç ka njoftuar më herët. Bordi i Barcelonës kontaktoi Xavin para disa javëve. Ende në pritje për të vazhduar bisedimet.
Trajneri i Belgjikës, Roberto Martinez ishte në listë gjithashtu”, shkroi ai.
Ditët e ardhshme do jenë vendimtare, ku edhe do mësohet nëse Xavi do e merr stolin e blaugranasve.
