Sulmuesi shqiptar i Spezia, Rey Manaj, foli për DAZN pas humbjes ndaj Romës:
“Mendoj se trajneri ka të drejtë. Të gjithë duhet të jemi në rregull me ndërgjegjen tonë. Duhet ta gjejmë atë 120% dhe më shumë për të marrë fitoren në shtëpi. Në nivelin e lojës nuk ishim keq, patëm raste në pjesën e dytë.
Sidoqoftë, nuk mund të luani një ndeshje 90 minutëshe vetëm në pjesën e dytë, duhet të jemi më të fokusuar në detaje. Gjithë javën e përgatisim ndeshjen për të hyrë të përqendruar, por më pas në fushë pësojmë gol pas pesë minutash nga këndorja. Duhet t’i përmirësojmë këto gjëra të vogla dhe shpresojmë që tashmë ndaj Empolit t’i marrim tri pikët”.
Disa fjalë edhe për golin e tij të anuluar: “Sot patëm fatkeqësinë e pozicionit jashtë loje. Këto ndodhin në futboll. Falënderoj trajnerin që po më ndihmon shumë. Shpresojmë të fillojmë të marrim pikë”.
Disa lojtarë nuk u thirrën këtë javë për sjelljen jo të mirë. Manaj shpjegoi: “Asgjë nuk ndodh. Këto janë gjëra që mbeten në dhomat e zhveshjes. Të gjithë mund të bëjnë gabime, nuk dua të komentoj”.
