Ashtu siç pritej edhe ndodhi, Dardan Çaka është gjyqtari më i mirë i vitit në Kosovë.
Gjyqtari i talentuar ka pasur një vit fantastik në gjykimin e ndeshjeve të Superligës së futbollit në Kosovë.
Vushtrriasi tregoi autoritet dhe thuajse nuk ka gabuar në asnjë ndeshje ku me plot meritë ka marrë çmimin si gjyqtari më i mirë në Kosovë.
Çaka ka drejtuar dhjetëra ndeshje këtë vit, derisa notat e tij ishin të gjitha të larta.
Për Çakën kjo është hera e parë që merr çmimin si më i miri i vitit.
Vlen të ceket se Çaka ende nuk e ka stemën e FIFA-s, por një gjë të tillë e meriton shumë.
