Nesër rifillon Serie A, por java e 20-të e kampionatit italian të futbollit mund të mos zhvillohet e plotë, pasi ndeshja Atalanta-Torino është në rrezik.
Autoriteti Shëndetësor Vendor i Torinos, nuk ka lejuar ekipin e Ivan Juric të udhëtojë drejt Bergamos, për shkak të një rasti të ri me Covid-19 tek ekipi ku luan Mërgim Vojvoda.
Numri i pjesëtareve të infektuar te Torino ka shkuar në tetë. Ndryshe nga çfarë ndodhi me Napolin dhe Hellas Veronën, ASL e Torinos ka vendosur të bllokojë transfertën e skuadrës granata.
Autoriteti Shëndetësor Vendor ka dhënë urdhër që të gjithë pjesëtarët e Torinos të izolohen në shtëpitë e tyre, duke u detyruar të kalojnë 5 ditë në karantinë, duke filluar nga sot.
