Janë momente shumë të nxehta për të ardhmen e Vedat Muriqit. Sulmuesi pritet të largohet nga Lacio dhe destinacioni i mundshëm për të është Spanja.
Kosovari përfliet se do të transferohet tek Majorka dhe këtë zëra i ka përforcuar drejtori sportiv i lacialëve, Igli Tare.
“Ne jemi duke negociuar me Majorkën dhe janë ende disa elementë që mungojnë përpara se të arrihet një marrëveshje.
Me Lacion, Muriqi u aktivizua 43 ndeshje që nga viti 2020, ku realizoi vetëm 2 gola. Muriqi do të jetë përforcimi i dytë i skuadrës së Majorkës në merkaton aktuale teksa më herët firmos portieri Serxhio Riko.
