Leipzig investoi 16 milionë euro verën e kaluar për Ilaix Moriba. Klubi gjerman bleu kartonin e mesfushorit qëndror nga Barcelona, por 19-vjeçari nuk ia ka dalë të fitojë një fanellë titullari.
Pak minuta aktivizim me nënkampionët e Gjermanisë, të cilët kanë zgjedhur ta huazojnë te Valencia.
Dy klubet kanë zyrtarizuar marrëveshjen mes tyre në lidhje me lojtarin nga Guinea.
Moriba po aktivizohet me kombëtaren e tij në Kupën e Kombeve të Afrikës, ku u shpall lojtari më i mirë i ri në fazën e grupeve. Rrugëtimi i Guineas në këtë turne përfundoi në raundin e 1/8-ve pas humbjes 1-0 ndaj Gambias.
