Valon Behrami do ta vazhdojë karrierën në Itali, në Serie B. Mesfushori me prejardhje shqiptare do të veshë fanellën e Brescias.
Kjo është bërë e ditur nga klubi italian përmes një postimi në rrjetin social, Twitter.
“Cilësi, karizëm dhe eksperiencë në mes të fushës. Nga sot Valoni lufton për ne”, shkroi klubi italian.
Para se të vinte te Brescia, Behrami ishte pjesë e Genoas në Serie A, kurse një kohë të gjatë është i lënduar.
Brescia gjendet në vendin e tretë në Serie B dhe ka gjasa reale për inkuadrim në elitën e futbollit italian.
