Pavarësisht interesimit të fundit nga ana e Newcastle dhe West Ham, Armando Broja ka vendosur të shfrytëzojë mundësinë e huazimit tek Southampton deri në merkaton e qershorit.
Performanca e shkëlqyer e sulmuesit shqiptar e ka bindur lojtarin dhe agjentin ta vazhdojnë këtë moment të mirë deri në fund të sezonit 2021-2022.
Trajneri i Chelseat, Thomas Tuchel ka vendosur t’i japë një shans Brojës të tregojë veten tek Southampton, në mënyrë që ta rikthejë në skuadër. Ajo që i duhet tashmë talentit kuqezi është të vazhdojë me të njëjtin ritëm dhe për 5 muaj të tjerë.
Rikthimi në Chelsea do të ishte një arritje për bomberin e Kombëtares së Shqipërisë, i cili mund të favorizohrt nga momenti i keq që po kalojnë Lukaku dhe Werner.
